گل سئومک ده بیست اولاق 
دَلی ،آنارشیست اولاق
ُسئویش ده امپریالیسم
اوپوش ده فاشیست اولاق

هئچ سوروشما نئینه ییب
وروب،اولدوروب ، اَییب
پاراسیز، پارالینی
تورپاق یئییب، چئیینه ییب

گؤزل له شیب باغلاری
یاشیل لانیب داغلاری
سنین سئوگین له دولوب
کؤنلومون ایرماقلاری

دویغولارین یولو دور
ُسئوگی یاغیب دولو دور
سوسوز، قورو چؤل دئییل
یالقیزلیغیم دولو دور

دونیانی گره ک عاقل آدام کم توتسون 
ُسئوگیلی آلیب قوجاغا محکم توتسون 
چوخ بیلمیش آدام جام شرابین بئلینی
محکم توتا قویماز اوره یین غم توتسون

هم سوسوزام، هم آجام
آیرانام،بولاماجام
یانمیش بویوک مئشه ده
آخیرینجی آغاجام

یالاندان وئرمه خبر
بیر گون ایراندان گئدر
شیخ ایرانی بوراخماز
بایقوش خارابا سئوَر

بو دونیا بوجور بیتَر
آج آدام آجلیق چکر
من دئمیرم مثل دیر
"آج دوغرایار، توخ یئیَر"
Bu dünya bücür bitər
Ac adam açlıq çəkər 
Mən demirəm məsəl dir
Ac doğrayar tox yeyər

توپ قاباغیندا دورار 
بیر یئنی مکتب قورار
سو اولماسا آج آدام
اؤزونو اودا وورار
top qabağinda durarar
Bir yeni məktəb qurar
Su olmasa ac adam
Özünü oda vurar